ئاکۆ کورد نه‌سه‌ب، ڕۆژنامه‌وانی کورد به 3 ساڵ زیندان مه‌حکووم کرا

مانشێت نیوز، سنه: زانرا که ئاکۆ کورد نه‌سه‌ب، ڕۆژنامه‌وانی گیراوی کورد و به‌رپرسی به‌‌شی هه‌واڵی حه‌وته‌نامه‌ی که‌ره‌فتوو به تۆمه‌تی سیخوڕی بۆ بێگانه‌کان به 3 ساڵ زیندان مه‌حکووم کراوه.

چاوه‌ڕوان ده‌کرێ تاڵه‌بانی و ئه‌ردۆغان له نیۆیۆرکی ئه‌مریکا دیدار بکه‌ن

مانشێت نیوز، نیۆیۆرک: ماوه‌ی دوو ڕۆژه ڕه‌جه‌ب ته‌یب ئه‌ردۆغان سه‌رۆک وه‌زیری تورکیا له ئه‌مریکایه و ئه‌مڕۆش جه‌لال تاڵه‌بانی گه‌ڕایه‌وه سلێمانی و ڕایگه‌یاند که سه‌ردانی ئه‌مریکا ده‌کات، مێدیاکانی تورکیاش باس له دیداری ئه‌ڕدۆغان و تاڵه‌بانی له ئه‌مریکا ده‌که‌ن.

له ئامه‌د کۆنفرانسی کورد به‌ڕێوه‌ده‌چێت

مانشێت نیوز، ئامه‌د: له کاتێک دا که شه‌ری نێوان ئه‌رته‌شی تورک و گه‌ریلاکانی پ.ک.ک له ئارادایه، شاری ئامه‌د ده‌بێته شوێنی به‌ڕێوه‌چوونی کۆنفرانسی کورد که تێیدا چه‌ند وه‌فد له ئه‌مریکا و ئیسپانیا و ئه‌ڵمانیان به‌شداری تێدا ده‌که‌ن.

وه‌زیری ده‌ره‌وه‌ی تورکیا: له به‌رنابه‌ر پ.ک.ک دا به ته‌نیا تواناکانمان سنووردراوه

مانشێت نیوز، شیکاگۆ: عه‌لی باباجان وه‌زیری ده‌ره‌وه‌ی تورکیا ڕایگه‌یاند که له به‌رانبه‌ر پ.ک.ک دا، به ته‌نیا، دژکرده‌وه و تواناکانمان سنوورداره، نامانه‌وێ کار بگاته ئه‌م سنووره‌کان، به‌ڵام ئه‌گه‌ر به پێیوستی بزانین، چ پێویست بێ ئه‌نجامی ده‌ده‌ین.

نوێنه‌ری حکومه‌تی هه‌رێم له تاران، خوازیاری ئازادی ئه‌فسه‌ری گیراوی سپا له سلێمانیه

مانشێت نیوز، سلێمانی: دوێنێ به‌یانی هێزه‌کانی ئه‌مریکا هێرشیان کرده سه‌ر هوتێل سلێمانی پاڵاس و زیاتر له 10 که‌س که یه‌کێکیان به ناوی فه‌رهادی و به گوێره‌ی ئه‌مریکیه‌کان، ئه‌فسه‌ری پایه‌به‌ڕزی سوپای قودسی سپای پاستارانه ده‌زگیر و ڕه‌وانه‌ی شوێنێکی نادیار کرا، جه‌لال تاڵه‌بانی، حکومه‌تی هه‌رێم و نوێنه‌رایه‌تیه‌که‌ی له تاران له به‌یانی جیاجیا دا داوای ئازادکردنی ئه‌فسه‌ری گیراوی پاستاریان کردووه.

ئاماده‌سازی بۆ په‌روه‌ڕده‌کردنی فڕۆکه‌وانی کورد ده‌کرێ

مانشێت نیوز، دهۆک: به مه‌به‌ستی بنیادنانه‌وه‌ی هێزی پێشمه‌رگه‌ی کوردستان له چوارچێوه‌ی ئه‌رته‌شێکی هاوچه‌رخ دا، ئه‌مجاره به هاوکاری حکومه‌تی هه‌رێمی کوردستان و به‌ریتانیان، فڕۆکه‌وانی کورد په‌روه‌رده ده‌کرێن.

له‌یلا زانا له دادگای ئامه‌‌د پارێزه‌ری له ئۆجه‌لان کرد

مانشێت نیوز، ئامه‌د: دوێنێ ئێواره، له‌یلا زانا که به لێکۆڵینه‌وه‌ سه‌باره‌ت به 4 دۆزی جیاواز، له دادگای ئامه‌د لێپرسینه‌وه‌ی له‌گه‌ڵ ده‌کرا. دیسان ئۆجه‌لانی به ڕێبه‌ری کوردان پێناسه کرد و ڕه‌تیکرده‌وه که ناوبراو ڕێبه‌ری گرووپێکی  تیرۆریستی بێت.

لیتری به‌نزین له سه‌قز، 700 تمه‌نه

مانشێت نیوز، سه‌قز: زانرا که پاش تێپه‌ربوونی 3 مانگ به سه‌ر پرۆژه‌ی دابه‌‌شکردنی به‌نزین، له شاری سه‌قز، ئێستا له بازاری ئازاد، لیتری ئه‌م سووته‌مه‌نیه به 700 تمه‌نه و ڕانتی ئه‌م یه‌که‌ش بۆته هۆی ده‌وڵه‌مه‌ند بوونی هه‌ندێک له بازرگانان.

ئه‌فسه‌ری ده‌زگیرکراوی سپای قودس له سلێمانی، بۆ شوێنکی نادیار ڕاگوێزراوه

مانشێت نیوز، سلێمانی: کاتژمێر 4.5ی سه‌رله‌به‌یانی ئه‌مرۆ، هێزه‌کانی ئه‌مریکا له سلێمانی و به چه‌ند ماشێنی سیڤیل، هه‌ڵیانکوتایه سه‌ر هوتێلی پاڵاس له‌م شاره و ئه‌فه‌سه‌رێکی سپای تیرۆریستی قودسی سه‌ر به سپای پاستاران و زیاتر له 10 که‌س له ئه‌ندامانی وه‌فدێکی بارزگانی پارێزگای کرماشانیان ده‌زگیر کرد.

سه‌باح نه‌سری و هیدایه‌ت غه‌زالی، ڕه‌وانه‌ی به‌ندی 209 گرتووخانه‌ی ئێڤین کراون

مانشێت نیوز، تایبه‌ت: سه‌باح نه‌سریهیدایه‌ت غه‌زالی، خوێندکاری گیراوی کورد و به‌رپرسانی گۆڤاری رۆژامه، پاش ئه‌وه‌ی که ئیتلاعاتی سنه نه‌یتوانی هیچ یه‌ک له تۆمه‌تباریه‌کانیان به سه‌ر دا بسه‌پێنێ، ئه‌مجاره له گرتووخانه‌ی سنه‌وه‌ بۆ به‌ندی 209ی گرتووخانه‌ی ئێڤین له تاران ڕاگوێزراون و چاره‌نووسیان نادیاره.

ده‌رکرانی مامۆستایه‌کی بانه‌یی و ده‌زگیرکرانی هاوڵاتیه‌کی سه‌قزی له‌ مه‌ریوان

مانشێت نیوز، سه‌قز: ده‌زگای په‌روه‌ڕده و فێرکردنی کۆماری ئیسلامی له بانه، مامۆستایه‌کی به ناوی لوقمان سه‌داقه‌ت پاش، زیاتر له 7 ساڵ خزمه‌ت له‌سه‌ر کار لابرد و هاوڵاتیه‌کی سه‌قزیش له مه‌ریوان ده‌زگیر و ڕه‌وانه‌ی گرتووخانه‌کانی ئیتلاعاتی ئه‌م شاره کرا.

ئاماده‌کاریه‌کانی به‌ڕێوه‌بردنی‌ پێنجه‌مین فێستیڤاڵی فیلمی کوردی له‌نده‌ن ده‌ستیپێکرد

مانشێت نیوز، له‌نده‌ن: کۆمیته‌ی ئاماده‌کاری به‌ڕێوه‌بردنی پێنجه‌مین فێستیڤاڵی فیلمی کوردی له‌نده‌ن، ڕایگه‌یاند که، تا 15ی ئۆکتۆبر، دوایین ده‌رفه‌ت بۆ ناردنی فیلمی کوردی بۆ فێستیڤاڵه‌که‌‌یه و له نێوان ڕۆژانی 30 نۆڤه‌مبه‌ر و 6ی دێسه‌مبه‌ر، فێستیڤاڵه‌که‌ به‌ڕێوه‌ده‌چێت.

خۆسووتاندنی ژنێکی لاو له بانه

مانشێت نیوز، بانه: ژنێکی لاوی ته‌مه‌ن 22 ساڵه به ناوی سنوور، له ئاوایی که‌نده‌سووری بانه‌، به هۆی کێشه‌ی خێزانی ئاگری له جه‌سته‌ی خۆی به‌ردا و کۆچی دوایی کرد.

نیۆیۆرک تایمز: ئۆپێراسیۆنی ده‌ره‌وه‌ی سنووری تورکیا دژ به پ.ک.ک هه‌ر له سه‌ڕ مێزه

مانشێت نیوز، نیۆیۆرک: ڕۆژنامه‌ی نیۆیۆرک تایمزی ئه‌مریکا له هه‌واڵێک دا ده‌نووسێ که ئه‌گه‌ری ئه‌نجامی ئۆپێراسیۆنێکی ده‌ره‌وه‌ی سنوور و هێرشی ئه‌رته‌شی تورکیا بۆ سه‌ر بنکه‌ و باره‌گاکانی پ.ک.ک له هه‌رێمی کوردستان ئێستاش له سه‌ر مێزه و له دواین سه‌ردانی ئه‌ردۆغان بۆ ئه‌مریکا دێته‌وه ئاراوه.

بارزانی: سیسته‌می مه‌رکه‌زی ئیفلاسی کردووه با عێراق به 3 هه‌رێم دابه‌شبکرێ

مانشێت نیوز، هه‌ولێر: مه‌سعوود بارزانی له لێدوانێک دا بۆ رۆژنامه‌ی عه‌ره‌بی ئه‌لخه‌لیج، ڕایگه‌یاند که به‌ڕێوه‌به‌ری عێراق به پێی سیسته‌می مه‌رکه‌زی و له به‌غداوه ئیفلاسی کردووه و با ئه‌م وڵاته به سه‌ر سێ هه‌رێمی فێدراڵ دا دابه‌شبکرێ.

به‌یانی ڕێکخراوه‌کانی مه‌ریوان سه‌باره‌ت به سووتانی دارستانه‌کانی هه‌رێمه‌که

مانشێت نیوز، مه‌ریوان: ڕێکخراوه‌کانی کۆمه‌لگای مه‌ده‌نی مه‌ریوان له به‌یاننامه‌یه‌کی هاوبه‌ش دا وێڕای نیشاندانی نیگه‌رانی خۆیان له‌ په‌ره‌سه‌ندنی ئاگرتێبه‌ربوونی دارستانه‌کانی مه‌ریوان و هه‌رێمه‌ و له‌ناوچوونی ژینگه‌، وێڕای هۆشداری دان، داوا له به‌رپرسان ده‌که‌ن، کێشه‌که چاره‌سه‌ر بکه‌ن که به پێی یاساش ئه‌رکی خۆیانه.

ئه‌ردۆغان، بڕیاری داوه که لابردنی قه‌ده‌غه‌ له سه‌ر حیجاب له ده‌ستووری نوێدا بێت

مانشێت نیوز، ئه‌نقه‌ره: سه‌ره‌نجام ڕه‌جه‌ب ته‌یب ئه‌ردۆغان سه‌رۆکی پارتی ده‌سه‌ڵاتداری عه‌داله‌ت و گه‌شه‌پێدان و سه‌رۆک وه‌زیری تورکیا، بڕیاری داوه که لابردنی قه‌ده‌غه له سه‌ر حیجاب له زانکۆ له ده‌ستووری نوێی تورکیا دابێت که ئه‌و پارته خه‌ریکه ئاماده‌ی ده‌کات.

200 هێکتار له دارستان و له‌وه‌رگه‌کانی ئیلام سووتان

مانشێت نیوز، ئیلام: له درێژه‌ ئاگرکه‌وتنه‌و‌ه و سووتانی دارستان و له‌وه‌رگه‌کانی ڕۆژهه‌ڵاتی کوردستان و گوێنه‌دان و گرینگی نه‌داتی به‌رپرسانی ئێان، ئه‌مجاره‌ش زانرا که 200 هێکتار له دارستانه‌کانی ئیلام بۆته خۆڵه‌مێش.

لێدوانه‌کانی حاجی‌ئه‌حمه‌دی له ده‌نگی ئه‌مریکا ناڕه‌زایه‌تی لایه‌نگرانی لێکه‌وته‌وه

مانشێت نیوز، تایبه‌ت: زانرا که لایه‌نگرانی پژاک له ڕۆژهه‌ڵاتی کوردستان، ڕه‌خنه‌یان له شێوه‌ی لێدوانه‌کانی عه‌بدوڕه‌حمان حاجی ئه‌‌‌حمه‌دی سکرتێری گشتی پژاک، له پڕۆگرامی دوو شه‌وی ڕابردووی ته‌له‌ڤزیۆنی ده‌نگی ئه‌مریکا گرتووه.

له بنکه‌و باره‌گاکانی کۆمه‌ڵه له باشووری کوردستان ئاڵۆزی هاتۆته ئاراوه

مانشێت نیوز، زه‌رگوێز: دوو ئه‌ندام که ده‌گوترێ له به‌شی ڕاگه‌یاندنی ره‌وتی چاکسازی کۆمه‌ڵه‌، خه‌بات ده‌که‌ن ده‌که‌ونه به‌ر هێرشی لایه‌نگرانی باڵی زۆرینه‌ و یه‌کێکیان به چه‌قۆ به سووکی بریندار ده‌بێت و ڕه‌وشی بنکه‌کانی کۆمه‌ڵه ئاسایی نیه.

ئه‌رته‌شی تورکیا ئۆێپێراسیۆنێکی مه‌زنی پاییزه‌ دژ به پ.ک.ک به‌ڕێوه‌ده‌بات

مانشێت نیوز، ئه‌نقه‌‌ره: ئه‌رته‌شی تورکیا به به‌شداری زیاتر له 10 هه‌زار عه‌سکه‌ر، جه‌رده‌وان، هێلیکۆپته‌ر و تانک و زرێپۆش، ئۆپێراسیۆنێکی به‌رفراوانی سه‌ربازی له ژێر ناوی دووپشک دژ به پ.ک.ک و بۆ وه‌ڕزی پاییز ده‌سپێکردووه.

له 1 حه‌وته‌ دا هاکێرانی کورد 100 ماڵپه‌ری فه‌رمی تورکیایان هه‌ک کرد

مانشێت نیوز، ئه‌ورووپا: به مه‌به‌ستی تۆڵه‌ی هێرشی ئینته‌رنه‌تی تورکیا بۆ سه‌ر ماڵپه‌ره‌ کوردیه‌کان، گرووپێک هه‌کێری کورد به ناوی گۆڵد هه‌کێرز، زیاتر له 100 ماڵپه‌ری فه‌رمی تورکیا به پاشکۆی gov.trیان هه‌ک کردووه.

ئه‌مڕۆ پازده‌یه‌مین ساڵڕۆژی تیرۆری دوکتۆر شه‌ره‌فکه‌ندی، سکرتێری ئه‌وساتی حدکا و هه‌ڤاڵانیه‌تی

مانشێت نیوز، کوردستان: ئه‌مڕۆ 17ی سێپته‌مبه‌ر، 26ی خه‌رمانان، پازده‌یه‌مین ساڵڕۆژی تیرۆری دوکتۆر سادق شه‌ره‌فکه‌ندی سکرتێری ئه‌و‌ساتی حیزبی دێمۆکراتی کوردستانی ئێران، ‌‌و هاورێیانی فه‌تاح عه‌بدولی‌ ئه‌ندامی‌ كۆمیته‌ی‌ ناوه‌ندی‌‌و نوێنه‌ری‌ حیزب له‌ ده‌ره‌وه‌ی‌ وڵات، هومایوون ئه‌رده‌ڵان نوێنه‌ری‌ حیزب له‌ ئه‌ڵمان‌و خه‌باتگێری‌ ناسراوی‌ ئێرانی‌‌و دۆستی‌ له‌مێژینه‌ی‌ حدکا نووری‌ دێهكوردی‌، له‌ ڕێستۆرانی میکۆنۆسی بێرلین به ده‌ستی تیررۆریسته‌ به‌كرێگیراوه‌كانی‌ كۆماری‌ ئیسلامی ئێرانه.

سه‌رۆکی پژاک میوانی پڕۆگرامی به‌شی فارسی ته‌له‌ڤزیۆنی ده‌نگی ئه‌مریکا بوو

مانشێت نیوز، واشنتۆن: شه‌وی ڕابردوو عه‌بدوڵڕه‌حمان حاجی ئه‌حمه‌دی سه‌رۆکی پژاک له‌گه‌ڵ که‌سێک به ناوی محه‌ممه‌د عه‌لی مێهرئاسا که‌ ده‌گوترا کورده و پارێزگاری کوردستان له کابینه‌ی به‌نی‌سه‌در له سه‌ره‌تایی شۆڕشی گه‌لانی ئێران بووه، میوانی پرۆگرامێکی ته‌له‌ڤزیۆنی ڕادیۆ ده‌نگی ئه‌مریکا بوو و کۆمه‌ڵێک بابه‌تی گرینگ، هاته به‌ر باس و گفتگۆ.

پارێزه‌ری عه‌دنان و هیوا، داوای پێداچوونه‌وه‌ی حوکمی موه‌کیله‌کانیان پێشکه‌ش کرد

مانشێت نیوز، تاران: ساڵح نیکبه‌خت پارێزه‌ری عه‌دنان حه‌سه‌نپوور و هیوا بووتیمار ڕۆژنامه‌وان و چالاکی مه‌ده‌نی‌حکووم به ئیعدامی کورد، ڕایگه‌یاند که پارێزنامه و داوای پێداچوونه‌وه‌ به سه‌ڕ حوکمی ئیعدامی موه‌کیله‌کانی له دادگای شۆڕشی ئیسلامی مه‌ریوان پێشکه‌ش کردووه.

مه‌سعوود بارزانی داوای پشتیوانی زیاتری له کۆنگرێسمه‌نه‌کانی ئه‌مریکا کرد

مانشێت نیوز، سه‌لاحه‌دین: مه‌سعوود بارزانی، سه‌رۆکی هه‌رێمی کوردستان شه‌وی ڕابردوو له دیداری وه‌فدێکی کۆنگرێسی ئه‌مریکا دا، داوای پشتیوانی زیاتری ئه‌م وڵاته‌ی له هه‌رێمی کوردستان کرد.

وه‌زیری ده‌‌ره‌وه‌ی فه‌ره‌نسا: پشتیوانی له هێرشێکی چاوه‌ڕوان کراو بۆ ئێران ده‌که‌ین

مانشێت نیوز، پاریس: وه‌زیری ده‌ره‌وه‌ی فه‌ره‌نسا بێرنار کۆشنه‌ر له لێدوانێکی دا بۆ ته‌له‌ڤزیۆنی ئه‌م وڵاته سه‌باره‌ت به به‌رنامه‌ی ئه‌تۆمی و هه‌ڕه‌شه‌ی ئێران وتی که وڵاتانی جیهان پێیویسته که پاش ڕێگه‌کانی دیپلۆماتیک خۆیان بۆ هێرشی سه‌ربازی بۆ سه‌ڕ ئێران، که خراپترین بژارده‌یه‌، ئاماده‌ بکه‌ن.

ماڵپه‌ری ئاژانسی هه‌واڵنێری كوردستان مێدیا. ئۆرگ هاک کراوه‌

مانشێت نیوز، ئه‌ورووپا: له درێژه‌ی شه‌پۆلی هێرشی تیرۆریستانی ئه‌له‌کترۆنی تورک، ئه‌مجاره، ماڵپه‌ری کوردستان مێدیا. ئۆرگ، که یه‌کێک له ئاژانسه‌کانی هه‌واڵنێری سه‌ر به حدکایه‌، هاک کرا.

سێناتۆرێکی ئه‌مریکی داوای دادگایی ئه‌‌حمه‌دی نه‌ژاد ده‌کات له کاتی هاتنی بۆ ئه‌م وڵاته

مانشێت نیوز، نیۆیۆرک: میت ڕۆمنه‌ی، سێناتۆری کۆماریخوازی ئه‌مریکا و به‌رئه‌ندامی هه‌ڵبژاردنه‌کانی سه‌رۆکایه‌تی ئه‌مریکا له ساڵی داهاتوو، له نامه‌یه‌ک دا بۆ سکرتێری گشتی Un، داوای پێش به ئاخافتنی ئه‌حمه‌دی نه‌ژاد له Un بگیرێ و به هۆی لێدوانه‌کانی به‌رانبه‌ر به ئیسرائیل دادگایی بکرێ.

دوایین زانیاری له سه‌ر ڕه‌وشی سه‌باح نه‌سری و هیدایه‌ت غه‌زالی خوێندکارانی گیراوی کورد

مانشێت نیوز، تایبه‌ت:سه‌باح نه‌سری و هیدایه‌ت غه‌زالی دوو خوێندکاری گیراوی کورد و له به‌رپرسانی گۆڤاری خوێندکاری رۆژامه‌، پاش تێپه‌ربوونی 2 مانگ له گیرانیان، ماوه‌ی حه‌وتوویه‌که، کۆتاییان به مانگرتن له‌خواردن هێناوه و بێ ئه‌وه‌ی تۆمه‌تێکیان بخرێته پاڵ، له گرتووخانه‌ی گشتی سنه ڕاگیراون.

زیادبوونی سزای زیندانی 4 گیراوی کورد

مانشێت نیوز، مه‌هاباد: 4 گیراوی بۆکانی به ناوه‌کانی محه‌ممه‌ده‌مین و محه‌ممه‌د عه‌بدوڵاهی، قادر و عه‌لی محه‌ممه‌د زاده که ماوه‌ی دوو سڵه له گرتووخانه‌ی مه‌هاباد زیندانین، سزاکه‌یان دیسان بۆ زیاد کراوه.

گاردیه‌ن: ئه‌گه‌ری هێرشی ئه‌مریکا بۆ ئێران و وه‌ڵامدانه‌وه‌ی تاران به مووشه‌ک له ئارادایه!

مانشێت نیوز، له‌نده‌ن: ڕۆژنامه‌ی گاردیه‌ن چاپی به‌ریتانیا، له بابه‌تێک دا باس له‌وه‌ ده‌کات که په‌ره‌سه‌ندنی کێشمه‌کێشی ئێران و ئه‌مریکا له سه‌ر به‌رنامه‌ی ناڤۆکی تاران و پشتیوانی سپای پاستاران له هێرشه تیرۆریستیه‌کانی عێراق، ئه‌گه‌ری هێرشی سه‌ڕبازی ئه‌مریکای بۆ سه‌ر ئێران له سه‌ر مێز دا هێشتۆته‌وه.

ئه‌حمه‌دی نه‌ژاد، 3ی ڕه‌زبه‌ر ده‌چێته نیۆیۆرکی ئه‌مریکا

مانشێت نیوز، تاران: زانرا که مه‌حموود ئه‌حمه‌دی نه‌ژاد، سه‌رکۆماری ئێران، ڕۆژی 3ی ڕه‌زبه‌ر، به مه‌به‌ستی به‌شداری له کۆبوونه‌وه‌ی ڕێبه‌رانی جیهان له نه‌ته‌وه‌یه‌کگرتووه‌کان، سه‌ردانی نیۆیۆرکی ئه‌مریکا ده‌کات.

نووشابه‌کانی ئێران، بوونه‌ته هۆی په‌ره‌سه‌ندنی کۆلێرا له هه‌رێمی کوردستان!

مانشێت نیوز، هه‌ولێر: سه‌رچاوه‌یه‌کی ئاگادار له کوردستان به ڕۆژنامه‌ی ئه‌لده‌ستووری چاپی به‌غدای ڕاگه‌یاندووه که حکومه‌تی هه‌رێم، هێنانی نووشابه (ساردی) و شه‌ربه‌تی و خواردنه‌وه‌ی نائه‌ڵکۆڵی له ئێران قه‌ده‌غه کردووه و هۆکاره‌که‌شی نه‌خۆشی کۆلێرا (وه‌با) ڕاگه‌یاندووه.

DTP :ده‌ستووری نوێی تورکیا باسی کورد نه‌کات، پشتیوانی لێناکه‌ین

مانشێت نیوز، ئامه‌د: ئایسه‌ل توغڵوک، نوێنه‌ری ئامه‌د و ئه‌ندامی کۆمیسیۆنی ده‌ستووری پارله‌مانی تورکیا، ڕایگه‌یاند که ئه‌گه‌ر ده‌ستووری نوێ، باس له ناسنامه‌ و ئازادی پێناسه کردنی کوردان و جیاوازی ئه‌تنیکی و گه‌ره‌نتی مافه‌کانیان نه‌کات، پشتیوانی لێناکه‌ین.

ئۆجه‌لان: سه‌ڕدانی گوڵ بۆ کوردستان به مه‌به‌ستی پاکتاوی کوردانه، با

مانشێت نیوز، ئیمڕاڵی: عه‌بدوڵا ئۆجه‌لان، ڕێبه‌ری گیراوی پ.ک.ک له گرتووخانه‌ی ئیمراڵی، ئه‌م حه‌وته‌یه‌ش دیداری له‌گه‌ڵ پارێزه‌رانی کرد و له وته‌کانی دا، وێڕای هه‌ڵسه‌نگاندنی ڕه‌وسی ناوچه‌، کوردستان و تورکیا، دیسان بۆ 4مین حه‌وته‌ی یه‌ک له‌دوای یه‌ک ره‌خنه‌ی له سیاسه‌ته‌کانی لاوازی ده‌ته‌په‌ گرت و هۆشداری پێدان.

سه‌رۆکی بارۆی ئامه‌د: پێناسه‌ی کێشه‌ی کورد کراوه، با عه‌بدوڵا گوڵ، چاره‌سه‌ری بکات

مانشێت نیوز، ئامه‌د: سه‌زگین تانری قۆڵو سه‌رۆکی بارۆی حقوقی ئامه‌د به مێدیاکانی ئه‌م وڵاته‌ی ڕاگه‌یاند که له نه‌وه‌ته‌کانه‌وه‌، سه‌رۆکانی تورکیا پێناسه‌ی کێشه‌ی کورد‌ ده‌که‌ن، به‌ڵام ئێمه له عه‌بدوڵا گوڵ ده‌خوازین که ئه‌مجاره هه‌نگاو بۆ چاره‌سه‌ری کێشه‌که‌ هه‌ڵبنێ.

له باکووری کوردستان هێرش کرایه سه‌ر شه‌مه‌نده‌فه‌رێکی بارهه‌ڵگر

مانشێت نیوز، چه‌ولیک: شه‌وی ڕابردوو هێرش کرایه سه‌ر شه‌مه‌نده‌فه|‌رێکی بارهه‌ڵگر له ڕێگه‌ی ئه‌لعه‌زیز و تاتوان و له ئاکام دا 5 واگۆن و لۆکۆمۆتیڤه‌که‌ وه‌رگه‌ڕان و دوو که‌سیش به سووکی بریندار بوون.

ده‌ته‌په: له هه‌ڵبژاردنی شاراوه‌وانیه‌کان دا تۆڵه له ئه‌ردۆغان ده‌که‌ینه‌وه

مانشێت نیوز، بروکسه‌ل: به‌نگی یه‌لدز نوێنه‌ری باتمان له پارله‌مانی تورکیا له پڕۆگرامی رۆژه‌ڤی، که‌ناڵی ڕۆژ تی‌ڤی دا، وتی که ئه‌ڕدۆغان و ئاکه‌په‌، پارتی کۆمه‌ڵگای دێمۆکراتیک وه‌کو ڕه‌قیبی خۆی ده‌بینێ و له هه‌ڵبژاردنی شاره‌وانیه‌کانی پێشه‌ڕوودا پێیان نیشان ده‌ده‌ین که ناتوانن، قه‌ڵاکانی ئێمه بگرنه‌وه.

پژاک به‌رپرسیارێتی ته‌قینه‌وه‌ی سه‌رده‌شتی گرته ئه‌ستۆ

مانشێت نیوز، سه‌رده‌شت: پژاک به‌رپرسیارێتی ته‌قینه‌وه‌ی مینێکی چێندراوی له ڕێگه‌ی ئاڵوه‌تانی سه‌ڕده‌شت، گرته ئه‌ستۆ که تێیدا به گوێره‌‌ی پژاک 8 پاستار کوژراون و 4ی تر بریندار بوونه و سه‌رچاوه‌کانی ئێرانیش باس له کوژرانی که‌سێک و برینداری 13 پاستاری تر ده‌کات.

تراژێدیای ده‌رکردنی کرێکارانی کشت و سه‌نعه‌تی مه‌هاباد

سه‌رۆکی پژاک ناڕاسته‌وخۆ، حیزبه‌کانی ڕۆژهه‌ڵاتی کوردستانی به خه‌یانه‌تکار وه‌‌سفکرد

مانشێت نیوز، بروکسه‌ل: عه‌بدوڵڕه‌حمان حاجی ئه‌حمه‌دی، سه‌رۆکی پژاک له پرۆگرامی پێڤاژۆ له رۆژ تی‌ڤی دا، دانیشتنی حیزبه‌کانی ڕۆژهه‌ڵاتی کوردستانی له کۆیه و سلێمانی، خه‌یانه‌ت به ده‌سکه‌وته‌کانی باشووری کوردستان وه‌سفکرد و ئه‌مه‌ش بوو به هۆی تووڕه‌یی حیزبی دێمۆکرات و کۆمه‌ڵه و لایه‌نه‌کانی تر.

NGOکانی مه‌‌ریوان هه‌وڵی ڕزگارکردنی دارستانه‌کانی ئاگرتێبه‌ربوویی مه‌ریوان ده‌دات

مانشێت نیوز، مه‌ریوان: ڕێکخراوی ناحکومی کانوونی ته‌ندروستی ژین له مه‌ریوان، له نامه‌یه‌ک دا بۆ ڕێکخراوه‌کانی پێوه‌ندیداری ده‌وڵه‌ت و سه‌رۆکی ده‌زگاکانی حکومی ئێران، داوایان لێده‌کات هه‌وڵی جیدی بده‌ن بۆ ڕزگارکردنی دارستانه‌ ئاگرتێبه‌ردراوه‌کانی مه‌ریوان.

هه‌ژماری تووشبوانی نه‌خۆشی کۆلێرا له رۆژهه‌ڵاتی کوردستان، له به‌رزبوونه‌وه دایه

مانشێت نیوز، سنه: سه‌ره‌ڕای هۆشداری به‌رپرسان و نوێنه‌رانی کورد، وه‌زاره‌تی ته‌ندروستی ئێران بێده‌نگی له گرتنی هه‌ر چه‌شنه ئاماده‌کاریه‌ک بۆ پێشگرتن به ته‌شه‌نه‌کردنی نه‌خۆشی کۆلێرا له ڕۆژهه‌ڵاتی کوردستان دا و ئه‌وه له کاتێک دایه که ده‌گوترێ ژماره‌ی تووشبوان به نه‌خۆشیه‌که بۆ 20 که‌س به‌رزبۆته‌وه.

بنه‌ماڵه‌یی عه‌دنان و هیوا: کۆتایی به کرده‌وه نایاسایه‌کان به‌رانبه‌ر به گیراوه‌کامان بێنن

مانشێت نیوز، مه‌ریوان: بنه‌ماڵه‌یی عه‌دنان حه‌سه‌نپوور و هیوا بووتیمار رۆژنامه‌وان و چالاکی مه‌ده‌نی مه‌حکووم به ئئیعدامی کورد، له به‌یاننامه‌یه‌ک دا، ڕه‌خنه‌ی توندی خۆیان ئاڕاسته‌ی به‌رپرسانی ره‌ژیم ده‌که‌ن، بۆیه که ڕێگه‌ به دیتنی دوو گیراوه‌که له لایه‌ن پزیشکێکه‌وه ناده‌ن و ئێستاش له بارودۆخی گیرانیان ناله‌باره‌وه.

3 که‌سی تر له ئه‌هواز له‌سێداره دران

مانشێت نیوز، ئه‌هواز: سێ هاوڵاتی ئه‌هوازی که ئێران به تۆمه‌تبارانی ته‌قینه‌وه‌کانی ساڵی 84یان پێناسه‌ ده‌که‌ن، ئه‌مڕۆ له‌سێداره دران.

ڕه‌وتی چاکسازی 2 حه‌وته‌نامه‌ی دواڕۆژ، بڵاوده‌کاته‌وه

مانشێت نیوز، کوردستان: ڕه‌وتی چاکسازی و گه‌شه‌ی کۆمه‌ڵه‌ ڕایگه‌یاند که 2 حه‌وته‌نامه‌یه‌کی سیاسی گشتی به ناوی دوا ڕۆژ بڵاوده‌کاته‌وه و هه‌وڵ ده‌دات له‌م ڕێگه‌وه مه‌یدانێک بۆ دیالۆگ و وتووێژ و ته‌مرینێک بێت بۆ لێک تێگه‌یشتن و پێکه‌وه‌ هه‌ڵکردن.